The Rise of Xarvis in 2021

Hello dosto :blush: Mera Naam hai Sunil (xarvis). Aur main Apne addiction se ladne ke liye poori tarah se tayar hu. Main personally thank you kehna chahunga Apne sabhi Rewire doston ko… jo mujhe har wakt motivated rakhte hai Apne streaks, goals, inspiration, aur dedication se. Aap sabhi ka shukriya meri diary Ko visit karne ke liye. :pray:

7 Likes

Keep up the good work !
Start 2021 with no regrets, pechla sab bhul jao.
Nai shuruaat karo bhai.
Roz apni progress yaha likho.
Phir dekho kaise improve karoge.

4 Likes

@rewire_user Aapka shukriya bhai ek achha name suggest karne ke liye. :pray::heart::pray:

3 Likes

welcome

Kal ka din bhot achha tha. Asli zindagi me new year wish karne ke liye to koi nahi par Rewire par dosto ne mujhe ek nayi life jeene ka mauka diya. Mujhe ye batate hue bhot dukh ho Raha hai ki mere mummy papa is dunia me nahi rahe…

Ho Sakta hai 2020 kuch logo ke liye achha Gaya ho par mere liye kisi Toofan se kam nahi tha.

4 Baar nakam suicide ki koshish karne wale ladke Ko ek nayi life dene me mere Sabse achhe dost @_TIGER @rewire_user @Consecrator ka bhot bada haath hai…

Main aap sabhi Ko Dil se thank you kehna chahunga. :heart::sob::heart:

5 Likes

31.12.20 - Day 4

Iss saal ka aakhri din… Raat ho gayi hai. Bahar log ek doosron se new year ki baatein kar rahe hai… Sabhi Ko besabri se intezaar hai… Us khaas pal ka jab Sab apni poorani yaadon Ko bhool kar ek naye Marg par chalne ki Kasam khayenge… Aur 12 din Baad Sab bhool jayenge :grin: phone ki battery sirf 7% bachi hai… Shayad kisi Ko wish nahi kar paunga… Wish bhi Sirf 3 logo Ko hi karna hai… Bhookh bahot zoooor se lagi hai… khana hai nahi… Par fir bhi… Iss naye saal me kuch Naya karne ko main tayar hu… Happy New Year to everyone. :india::india::india:

5 Likes

IMG-20210101-WA0000

6 Likes

Bhai mai iske baare mein tumko bata chuka hu, dukhi hone ki koi zaroorat nahi hai, koi kabhi nahi marta sirf shareer badalte hai. Apne aap ko shareer mat samajho, agar apne aapko shareer samajhoge toh asli khushi kabhi nahi milegi bhai. Tum, mai ham sab aatma hai, bhagwaan k ansh hai. Hamara shuravat bhagwaan se hui hai, hamara lakshya bhagwaan hai, aur bhagwaan tak jaane ka raasta bhagwaan ka naam hai. Yehi jeevan ka maksat hai isko samajh jaoge toh kabhi apne aap ko dukhi nahi paoge.

Aur rahi baat tumhari addiction ki, yaha pe tumko baat ye samajhna hai ki tum apne aapko kitna strong sochte ho tum utni hi level tak strong rahoge, apne aap ko kabhi kam mat aakna, tab ye choti moti addiction kuch nahi bigad payenge tumhara.

Ye saal tumhara bahut accha jayega chinta mat karo bhai. :heart::pray:

3 Likes

Hamesha moksha ke liye prayas karte rho. Jai siya ram.

1 Like

Haa bhai. Tum raam naam japte ho?

1 Like

Suicide k baare mein fir kabhi mat sochna, manushya janm milne k baad suicide karna sabse zyada bewakoofi waali baat hai. Suicide karke tum dukh se mukt nahi ho jaoge, balki tum bhuut ban jaoge aur idhar udhar bhatakte reh jaoge, ulta tumko aur zyada dukh milega bhuut bankar. Toh uske baare mein toh fir kabhi sochna bhi mat.

Tumhare liye mera full support hai bhai. Mai tumhare saath hu.

1 Like

Bilkul karte hain. Kalyug me hari naam sankirtan hi to moksha ka ekmaatra upaay hain. @xarvis bs moksha ke liye prayas karo warna ye dukh kabhi khatam nahi hoga. Material world me bas tension hi hain. Hare Krishna. Jai siya ram.

2 Likes

AAP ka shukriya @Consecrator @Mahesh27_03 bhai… Main aapke kahe anusar karne ki koshish karunga

2 Likes

Bahut badiya bhai. Mai bhi jaap karta hu.

2 Likes

Bahut badiya bhai. :handshake:

1 Like

Bhai, himmat rakho aur mehnat karte raho. Jivan me isse zyada tum kucch nahin kar sakte. Jivan k vishisht mulyon jaise ki sacchai, imandari, daya, karuna, sarvasva prem aur adhyayan ko vishesh mahatva do. Jo tumne kho diya hai, na to usko wapas laya ja sakta hai, na use bhara ja sakta hai, lekin tum waha pe ruke nahin reh sakte. Apne mata-pita k vicharon ka smaran karo, ye yad karo ki wo aj hote to tumhe kya karne ko bolte, tumse kya batein karte aur tumhe kaise jeevan jine ki sikh dete. Bhai, main nahin samajh sakta ki tum kis pida, kis dard ki anubhuti k sath reh rahe ho, kintu agar tumhari pida kisi se bat karke kam hoti hai, to bat karo. Yahan sabhi tumhare bhai hain, aur sabhi tumse bhai ki hi tarah prem karte hain. Apne apko akela mat samjho. Iss sangharsh me vijeta wahi hota hai jo sab kucch jhel k bhi, ant tak tika rehta hai. Yahi Jivan hai mere bhai.
Happy new year.

1 Like

Aapka bhot bhot shukriya bhai… Main aapko nahi bata skta ki aaj new year ke din mujhpar kya beet rahi hai… Urges bhar bhar kar aarahe hain… Mummy Papa Ki yaad bhot jyada aarahi hai, mann halka karne ke liye main bahar aaya hu… Par muhe aapsabhi se baat karke jo khushi milti hai wo aor kisi cheez se nahi mil rahi… mummy papa ke jaane se lagbhag harek cheezon se mera vishwas uthne laga the… aapne aap ko bhot sambhaalne ke baad iss forum par aagaya… jaha mujhe maalum hua aap sabhi ke jeevan me bhi bhot problem hai… aaj main aap sabhi se yaha baat kar paa raha hu to sirf @_TIGER bhai ki wajah se… Unhone jo rasta dikhaya hai… main usi par chal raha hu… Same to you bhai… Main aaj roou yaa hasu kuchh samaj nahi aa raha… Yaha par aakar mujhe jo parivaar mila… wo shayad Facebook Insta par nahi milta… Dhanyawaad bhai :sob::sob: @PrDr

3 Likes

@xarvis koe bat nehi bhai …lage raho …:muscle::muscle::muscle::muscle:

@xarvis

Bhai ye jo dukh hain ye tumhara sabse bada hathiyar hain is journey mein.
Acche din ka intaazaar mat karna,
Apne dukho se dosti kar lo.

Apne dukh ko pallo, isse hamesha yad rakho, jitna samay sukh pane ke liya prayas kiya hain. Usse jyada prayas dukh ka karna.

Dukho ko itna badahna ki yeh tumahare seene mein aag laga de.
:fire::fire::fire::fire::fire:
Kabhi sukh ke sapne mat rachna.
Kabhi naya raag mein mat lagna.
Hamesha veragye ki pooja karna.

Ye veragya ka prayas tumhe aanand or swarag ka dwar khol denge.
Tumhe tumhara jeevan ke oppurutunity ka use karte huin… aage badhte jana hain…

Dukho ko hamesha swarna… sukho se bachna… aanand tumhe jarror milenga. Takat tumhe jaroor milenge… himmat tumhe jaroor mikengi… swarag tumhe jarroor milenge… jab tak lakhya purra na ho… kabhi celebrate mat karna … khusi ko dil mein dabba kar rakhna… tum aage badhte rehna

tum aage badhte rehna

3 Likes

Your talk is very motivating, just like your name. :fire:

1 Like

@_TIGER bhai meri help karo… Aaj mujhe kuch bhi achha nahi lag Raha… Baar Baar rone ka Mann kar Raha hai… Mujhe mummy Papa ki bhot yaad aarahi hai… Sabkuch karke dekh Liya… Par koi fayada nahi… Naahi khaane ka Mann kar Raha hai naahi neend aarahi hai… Bas Mann me ek darr sa Laga hai aankhe Bhari hain… Aur poori shareer kaanp Rahi hai… Pls help karo bhai… Mujhe bhot Darr lag Raha hai…

2 Likes